Ֆիլադելֆիայում ԱՄՆ անկախության օրվան նվիրված հրավառության ժամանակ անհայտ անձը կրակ է բացել՝ վիրավորելով երկու ոստիկանի։ Այս մասին հուլիսի 4-ին հայտնել է NBC հեռուստաալիքի տեղական մասնաճյուղը՝ վկայակոչելով ականատեսներին:
Տուժածները հոսպիտալացվել են, նրանց վիճակը կայուն է:
Նշվում է, որ հրաձգությունը սկսվել է արվեստի թանգարանի մոտ: Հազարավոր մարդիկ հետևել են համերգից հետո անցկացված հրավառությանը։
Ականատեսների վկայությամբ՝ կրակոցները հնչել են համերգի տարածքից դուրս, շատերը լսել են, թե ինչպես են ոստիկանները կոչ անում փախչել։
