19:17   15-07-2022
Image Description
Կարեն Գիլոյանը հետևել է Ջրառատի ծանրամարտի մարզադպրոցի շինարարական աշխատանքներին
Թողնել մեկնաբանություն

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն աշխատանքային այց է կատարել Արմավիրի մարզի Ջրառատ համայնք՝ հետևելու ծանրամարտի աշխարհի ու Եվրոպայի չեմպիոն, օլիմպիական խաղերի փոխչեմպիոն Սիմոն Մարտիրոսյանի անվան մարզադպրոցի կառուցման աշխատանքներին:

ԿԳՄՍ նախարարի տեղակալին շինհրապարակում ուղեկցել են Սիմոն Մարտիրոսյանն ու շինարարական հարցերով պատասխանատուները:

Կառուցվող մարզադպրոցն ընդհանուր առմամբ զբաղեցնում է շուրջ 800 քառակուսի մետր տարածք: Շինարարները զեկուցել են, որ կառուցման աշխատանքներն ընթանում են արագ տեմպերով, իսկ այս տարվա վերջին, ծրագրվածի համաձայն, նախատեսվում է շահագործման հանձնել ամբողջովին կահավորված մարզադահլիճը:

Սիմոն Մարտիրոսյանի անվան ծանրամարտի մարզադպրոցի կառուցման աշխատանքները մեկնարկել են 2021 թվականին: Ծրագրի իրականացման ընդհանուր արժեքը գնահատվել է 541 մլն 884,6 հազար դրամ:

Loading...