Իրանական «Խայյամ» արբանյակն այսօր տեղական ժամանակով 10։30-ին տիեզերք է դուրս եկել «Союз-2.1б» հրթիռի միջոցով՝ Ղազախստանի Բայկոնուր տիեզերակայանից։ Այս մասին հայտնում է IRNA գործակալությունը։
«Խայյամը» իրանական հեռակառավարվող զոնդավորման արբանյակ է, որը տիեզերք է դուրս եկել Ռուսաստանի հետ համագործակցության արդյունքում։
Արբանյակի կառավարմամբ և սպասարկմամբ զբաղվում են իրանցի մասնագետները։
Իրանի կապի և տեղեկատվական տեխնոլոգիաների նախարար Իսա Զարեպուրն Instagram -ի իր էջում գրել է, որ «Խայյամ»-ի գործարկումը հանդիսանում տիեզերական ոլորտում Իրանի և Ռուսաստանի միջև ռազմավարական համագործակցության մեկնարկը։
««Խայյամը» արբանյակը հանդիսանում է կարևոր քայլ մեր երկրին տիեզերքից տվյալներ տրամադրելու հարցում։ Մենք կարող ենք արբանյակի բարձր ճշգրտությամբ արված լուսանկարներն օգտագործել շրջակա միջավայրի պահպանության և գյուղատնտեսության ոլորտներում»,- ասել է Իրանի կապի և տեղեկատվական տեխնոլոգիաների նախարարը։
Զարեպուրն ասել է, որ տիեզերական ոլորտում առաջատար երկրների, մասնավորապես Ռուսաստանի հետ համագործակցությունից բացի, իրենց օրակարգում է տիեզերական հայրենական տեխնոլոգիաների զարգացումը։ Մինչև տարեվերջ Իրանը մտադիր է տեղակայել արբանյակներ 500 կմ բարձրության վրա։
Հայրենական արտադրության «Խայյամ» արբանյակը պատկանում է Իրանի տիեզերական գործակալությանը։