Մեծ Բրիտանիայում գազով աշխատող էլեկտրակայանները կարող են անջատվել ձմռանը՝ հոսանքազրկումները կանխելու ծրագրի շրջանակում, հայտնում է Independent թերթը՝ հղում անելով աղբյուրներին։
Կառավարության պաշտոնյաներն ասել են, որ պլաններ են իրականացվում՝ շուտով փորձարկելու արտակարգ իրավիճակների պլանները: Նման «վարժանքներ» կարող են տեղի ունենալ սեպտեմբերին կամ հոկտեմբերին, որոնց ընթացքում գազով աշխատող էլեկտրակայանները կարող են անջատվել։
«Մենք շատ լուրջ սցենարներ ենք փորձարկում, դրանք քիչ հավանական սցենարներ չեն»,- ասել է էներգետիկ պլանավորման հարցերով զբաղվողներից մեկը։
Աղբյուրի համաձայն՝ Նորվեգիան կարող է դիմել էլեկտրաէներգիայի արտահանման ռացիոնալացման, այնինչ Ֆրանսիայից մատակարարումներն արդեն նվազել են։ Այս երկրների էլեկտրաէներգիան օգտագործվում է միլիոնավոր տներում: Նորվեգիայից և Ֆրանսիայից սահմանափակ մատակարարումներով դժվար կլինի խուսափել սպառման ռացիոնալացումից:
Ռացիոնալացումը կարող է լինել օրական ավելի քան վեց ժամ էլեկտրաէներգիայի օգտագործման սահմանափակումով: «Մոռացեք պարզապես աշխատել տնից, դա կարող է լինել հունվարին՝ «Անջատեք տանից» կարգախոսով», – ասել է պաշտոնյան: