10:46   17-08-2022
Image Description
«Սուրմալու»-ի մոտակա տարածքում օդում ծծմբի երկօքսիդի կոնցենտրացիան գերազանցել է համապատասխան ՍԹԿ-ն 4.6 անգամ
Թողնել մեկնաբանություն

«Սուրմալու» առևտրի կենտրոնի պայթյունի ազդեցության գնահատման համար օգոստոսի 14-15-ին լրացուցիչ նմուշառում է իրականացվել մոտակա տարածքից, որոշվել են մթնոլորտային օդում ծծմբի և ազոտի երկօքսիդների պարունակությունները։ Ինչպես տեղեկացնում է «Արմենպրես»-ը, այս մասին հայտնել է Հիդրոօդերևութաբանության և մոնիթորինգի կենտրոնը:

«Ծծմբի երկօքսիդի կոնցենտրացիան գերազանցել է համապատասխան սահմանային թույլատրելի կոնցենտրացիան (ՍԹԿ) 4.6 անգամ, ազոտի երկօքսիդի կոնցենտրացիան՝ 2.6 անգամ»,- նշված է Հիդրոօդերևութաբանության և մոնիթորինգի կենտրոնի հաղորդագրության մեջ:

Հիդրոօդերևութաբանության և մոնիթորինգի կենտրոնը ներկայացրել է նաև Երևանի մթնոլորտային օդի որակն ըստ ստացիոնար կայանների տվյալները.

 Կենտրոն համայնքի մթնոլորտային օդում փոշու կոնցենտրացիան գերազանցել է համապատասխան ՍԹԿ-ն 1.4 անգամ, ազոտի երկօքսիդի կոնցենտրացիան՝ 1.6-1․8 անգամ, ծծմբի երկօքսիդի կոնցենտրացիան՝ 1.1-1․3 անգամ։

 Նոր Նորքում համայնքի մթնոլորտային օդում փոշու կոնցենտրացիան գերազանցել է համապատասխան ՍԹԿ-ն 1․4 անգամ, ազոտի երկօքսիդի կոնցենտրացիան՝ աննշան։

Loading...