10:09   19-08-2022
Image Description
Սերբիայի և Կոսովոյի ղեկավարները համաձայնության չեն հասել Բրյուսելում. Ժոզեպ Բորել
Թողնել մեկնաբանություն

Սերբիայի նախագահ Ալեքսանդր Վուչիչը և Կոսովոյի վարչապետ Ալբին Կուրտին համաձայնության չեն հասել Բրյուսելում տեղի ունեցած բանակցությունների հերթական փուլի ընթացքում, սակայն պայմանավորվել են շարունակել երկխոսությունը մոտ օրերին: «Արմենպրես»-ի հաղորդմամբ՝ այդ մասին հայտնում է «ՌԻԱ Նովոստի»-ն՝ վկայակոչելով Եվրամիության դիվանագիտության ղեկավարի՝ ԵՄ արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելի հայտարարությունը:

Բորելի խոսքով՝ երկու ղեկավարներն էլ շեշտել են երկխոսությունը շարունակելու անհրաժեշտությունը:

«Բանակցությունները կվերսկսվեն մոտ օրերին: Դեռ ժամանակ կա մինչև սեպտեմբերի 1-ը, ես չեմ հանձնվում», - ասել է Բորելը:

Սերբիայից անջատված և մասնակիորեն ճանաչված Կոսովոյի Հանրապետության շուրջ իրադրությունը սրվել էր օգոստոսի 1-ին, Կոսովոյի հյուսիսում տեղի էին ունեցել բախումներ սերբերի հետ:

Loading...