Մակ-ում Փաշինյանի ելույթը ոչնչով չէր տարբերվում նրա մյուս ոչ հայանպաստ ելույթներից: Որևէ դրական կետ տեսնելն անհնար է: մենք նոյեմբերի 9-ին կառչած մարդու շարունակվող ելույթներն ենք լսում, ուրիշ ոչինչ: Իրականում այս ամբիոնը պետք էր այլ նպատակով օգտագործել: Շիտակ ու իրական խոսքը պետք է հնչեր: Ցավոք Նիկոլ Փաշինյանի ու իր ամբողջ թիմի գաղափարների հիմքում մի բան է՝ հրաժարվել ու անձնատուր լինել՝ հանուն խաղաղության կեղծ դարաշրջանի: Սրան հակառակ ԱՄՆ-ն, ինչ-որ չափով նաև Ֆրանսիան, դեռևս մեր հարցում զիջումների չեն պատրաստվում: Այնուամենայնիվ Հայաստանը շարունակում է մեզ և աշխարհին տեսնել Լևոն Տեր-Պետրոսյանի ստեղծած կաղապարների ներսից:
