ՀՀ ԱԱՏՄ ղեկավարը հեռավար մասնակցել է ԱՊՀ անդամ երկրների և Մոնղոլիայի աշխատանքի տեսչությունների տարածաշրջանային դաշինքի համաժողովին
Ռուսաստանի Դաշնության Սոչի քաղաքում կայացել է ԱՊՀ անդամ երկրների և Մոնղոլիայի աշխատանքի տեսչությունների տարածաշրջանային դաշինքի համաժողովը, որին հեռավար մասնակցել են ՀՀ առողջապահական և աշխատանքի տեսչական մարմնի ղեկավար Հակոբ Ավագյանը, ինչպես նաև դաշինքի անդամ երկրների ներկայացուցիչներ, հայտնում է ՀՀ առողջապահական և աշխատանքի տեսչական մարմինը:
ՌԴ աշխատանքի և զբաղվածության դաշնային ծառայության ղեկավարի տեղակալ, Աշխատանքի տեսչությունների միջազգային ասոցիացիայի (IALI) փոխնախագահ Իվան Շկլովեցը ողջունել է մասնակիցներին և մաղթել արդյունավետ աշխատանք։
Համաժողովի օրակարգում են եղել՝
- ԱՊՀ անդամ երկրների և Մոնղոլիայի աշխատանքի տեսչությունների տարածաշրջանային դաշինքի ընթացիկ աշխատանքները,
- 2022 թվականի միջոցառումների ծրագրի կետերի կատարումը,
- Տեսչական մարմինների միջև փորձի փոխանակման հարցը,
- Միասնական էլեկտրոնային գրադարան ստեղծելու հարցը,
- Դաշինքի կանոնադրության մեջ փոփոխություն կատարելու հարցը,
- Դաշինքի միասնական խորհրդանիշի ընտրության և հաստատման թեման,
- ԱՊՀ անդամ երկրների և Մոնղոլիայի աշխատանքի տեսչությունների լավագույն տեսուչներին խրախուսելու մեխանիզմի մշակման և ներդրման վերաբերյալ հարցը։
Քննարկվել է նաև նոյեմբերի 3-ին Երևանում ԱՊՀ խորհրդակցական ժողով անցկացնելու հարցը։
