Սոթի հանքը Ադրբեջանի վերջին լայնամասշտաբ ագրեսիայի ընթացքում չի աշխատել, իսկ հիմա աշխատում է 40 տոկոսով:
«Արմենպրես»-ի հաղորդմամբ՝ այս մասին հայտնեց Գեղարքունիքի մարզպետ Կարեն Սարգսյանն օտարերկրյա դիվանագետների և լրագրողների հետ Վարդենիսում հանդիպմանը:
«Ռազմական գործողությունների ընթացքում դադարեցվել են հանքի աշխատանքները: Այնուհետև ևս 3 օր հանքը չի աշխատել: Այս պահի դրությամբ հանքն աշխատում է, բայց իր հզորության 40 տոկոսով»,-ասաց մարզպետը՝ հավելելով, որ աշխատակիցների անվտանգությունն ապահովված է:
Նրա խոսքով՝ աշխատակիցները, սակայն, մտավախություն ունեն, որ ադրբեջանցիները կթիրախավորեն նաև հանքը:
