ՆԱՏՕ-ին անդամակցելու Ուկրաինայի ցանկությունն այս պահի գլխավոր խնդիրը չէ։ Շաբաթ օրը նման կարծիք է հայտնել ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոսեպ Բորելը իսպանական 24 Horas հեռուստաալիքին տված հարցազրույցում։
Նրա կարծիքով, դաշինքին միանալու Կիևի ձգտումները կարելի է հասկանալ, «սակայն դա այս պահին գլխավոր հարցը չէ»։ ԵՄ դիվանագիտության ղեկավարը կարծում է, որ այժմ ավելի կարևոր է պահպանել Ուկրաինայի պաշտպանունակությունը։
Ուրբաթ օրը Ուկրաինայի նախագահ Վլադիմիր Զելենսկին ստորագրել է արագացված հիմունքներով երկրի՝ ՆԱՏՕ-ին միանալու դիմումը։ Իր հերթին, ՆԱՏՕ-ի գլխավոր քարտուղար Յենս Ստոլտենբերգը չի պատասխանել լրագրողների հարցին, թե արդյոք դաշինքը պատրա՞ստ է դիտարկել այս դիմումը։