Ցանկանում եմ, որ գնահատված զգաք ձեզ և շարունակեք ջանքեր գործադրել սերունդների կրթության կարևորագույն գործում. Հակոբ Արշակյան
ՀՀ ԱԺ նախագահի տեղակալ Հակոբ Արշակյանը շնորհավորական գրառում է կատարել Ֆեյսբուքում Ուսուցչի օրվա առիթով:
«Սիրելի՛ ուսուցիչներ,
Շնորհավորում եմ ձեզ և յուրաքանչյուրիս՝ Ուսուցչի օրվա առթիվ։
Յուրաքանչյուր մարդու կյանքում, անկախ տարիքից, մեծ ազդեցություն ունեն ուսուցչի տված գիտելիքը, փորձը, դաստիարակությունը։ Ես հիշում եմ իմ բոլոր ուսուցիչներին․ նրանցից ստացած գիտելիքն ու ջերմությունը ինձ ուղեկցում են ամենուր։
Շնորհակալ եմ ձեր կատարած անձնուրաց աշխատանքի համար և ցանկանում եմ, որ ամեն պահի յուրաքանչյուրդ, ըստ արժանվույն, գնահատված զգաք ձեզ և շարունակեք ջանքեր գործադրել սերունդների կրթության ու զարգացման կարևորագույն գործում»,- գրել է Արշակյանը:
