Հոկտեմբերի 10-ից Քութայիսիի միջազգային օդանավակայանը երկու շաբաթով կփակվի թռիչքուղու նորոգման նպատակով։ Օդանավակայանների միության ղեկավար Թամար Արչուաձեի խոսքով՝ ուղևորներն այս ընթացքում կօգտվեն Թբիլիսիի օդանավակայանից, հայտնումէ Ալիք մեդիան:
«Երկշաբաթյա աշխատանքների ավարտից հետո աշխատանքները կշարունակվեն շաբաթական 2 օր՝ 12 ժամով փակելու միջոցով։ Նայած, թե որքանով կհաջողվի աշխատանքը ամբողջությամբ ավարտել այս երկու շաբաթվա ընթացքում:
Քութայիսիի օդանավակայանից անցկացվելիք թռիչքները կիրականացվեն Թբիլիսիի օդանավակայանից։ Մեր աշխատակիցները նույնպես կժամանեն Թբիլիսիի օդանավակայան, որպեսզի օգնեն օդանավակայանին` հաջողությամբ իրականացնել այս երկշաբաթյա ուղևորափոխադրումները», — ասել է Արչուաձեն։
Հարցին, թե օդանավակայանի փոփոխությունն ազդե՞լ է տոմսերի գնի վրա, Արչուաձեն պատասխանել է, որ այդ գործոնը չի ազդի գնի վրա։
