Հունավարի 28-ը վերարժևորելու համար նախ պետք է արթնացնել խիղճը: Մենք այսօր չունենք խիղճ և պատճառը ոչ թե այն է, որ նոյեմբերի 9-ին ստորագրվեց կապիտուլյացիոն փաստաթուղթ, այլ որ պարտությունը շարունակվում է մինչ օրս՝ Նիկոլ Փաշինյանի ղեկավարմամբ: Ցավոք՝ ազգը այսօր լռում է, որովհետև, մենք բոլոր ճգնաժամերը մի կողմ դրած, նախևառաջ արժեհամակարգային ճգնաժամի մեջ ենք հայտնվել: Ազգայինի մասին պատմությունը քրքրված ու պատառոտված վիճակում է: Ըստ այդմ՝ նաև գործընթացները դասական իմաստով չեն էլ ընթանում:
