Թուրքիայում մի խումբ իրավաբաններ դատի են տվել կառավարության անդամներին և Էրդողանին երկրաշարժի հետևանքների համար: Այս գործընթացը, սակայն, ավելի շատ մոծակի խայթոց է հիշեցնելու: Հիշենք, որ քանդված շենքերը միայն Էրդողանի օրոք չեն կառուցվել. այսպիսով նա էլ կարող է հայտարարել, որ ինքը պատասխանատուն է, բայց ոչ մեղավորը:
Էրդողանը հիմա ավելի շատ մտահոգված է սեփական վերընտրությամբ, քան մարդկանց կորցրած տներով: Չնայած՝ դրանք փոխկապակցված են: Ըստ ՄԱԿ-ի տվյալների՝ Թուրքիայում 1.5 միլիոն մարդ տուժել է: Պետական շենքերում եղած թվային և փաստաթղթային արխիվները երկրաշարժի պատճառով ոչնչացան: Ինչի՞ հիման վրա են կազմվելու ցուցակները:
Թուրքիայում երկրաշարժի արհեստածին լինելու մասին խոսակցությունների ժամանակ սլաքներն ուղղվում են ԱՄՆ. ասում է թուրքագետ Տիրան Լոքմագյոզյանը:
