Լրանում է 44-օրյա պատերազմի 3-րդ տարելիցը: Այն սկսվել է, բայց մինչ օրս չի ավարտվել: Իրականությունը մեկն է՝ մարտահրավերները ավելի լուրջ են, ավելի մոտ և ավելի արյունալի. Քանի քառակուսի կիլոմետր էլ որ լինենք՝ թշնամու համար սա Հայաստանի մնացորդ է, որի լինելիությունը սխալմունք է: Եթե ուզում ենք փրկություն, ապա մեր ամբողջ կյանքը պետք է կառուցենք գոյապայքարի շուրջ: Ցավոք սրտի կործանմանը զուգահեռ չի ձևավորվում որևէ ազգային ու ներուժ ունեցող ուժ, իսկ նախկինների ու ներկաների մեջ ընտրությունը սխալ ճանապարհ է:
