ԱՄՆ-ում մահվան դատավճիռների մորատորիումի չեղարկումից հետո առաջին աֆրոամերիկացուն են մահապատժի ենթարկել, գրում է USA Today-ը:
Աղբյուրը մանրամասնում է, որ մահացու ներարկումը ստացել է Ինդիանա նահանգի Տերրե Հոտ բանտում կալանքի տակ գտնված Քրիստոֆեր Վիալվան:
Նշվում է, որ տղամարդը 1999 թվականին Տեխաս նահանգում առանձնակի դաժանությամբ սպանել է մի ամուսնական զույգի, այնուհետև զոհերի մարմինները դրել էր մեքենայի բեռնախցիկում ու այրել այն:
«40-ամյա Քրիստոֆեր Վիալվան երեկ երեկոյան մահացու ներարկում ստանալուց հետո մահացած է հայտարարվել»,- ասվում է հաղորդագրությունում:
Հանցագործի փատաբանը կարծում է, որ մահապատիժ սահմանելու վրա ազդել է այն, որ Վիալվան սևամորթ է եղել: Սակայն ուշադրություն է հրավիրվում այն փաստի վրա, որ մորատորիումի չեղակումից հետո մահապատժի է դատապարտվել 6 սպիտակամորթ հանցագործ:
Այս տարի Վիալվայի մահապատիժը դաշնային մակարդակով կայացված յոթերորդ դատավճիռն է:
Գրում է՝ Tert.am-ը:
