«Հայաստանի և Ադրբեջանի ռազմական ուժերի միջև տեղի ունեցած զինված առճակատման առթիվ, Ուրուգվայի կառավարությունը իր մտահոգությունն է հայտնում այս նոր սրացման կապակցությամբ, որը ռիսկի տակ է դնում տարածաշրջանում կայունությունը, և հայտնում է իր զորակցությունը այդ գործողություններով պայմանավորված տուժածներին և զոհերի ընտանիքներին», – նշված է Ուրուգվայի Արտաքին հարաբերությունների նախարարության հրապարակած հայտարարությունում:
«Ուրուգվայը միանում է երկու կողմերի միջև արդյունավետ և անհապաղ հրադադար հաստատելու վերաբերյալ միջազգային հանրության կոչերին, ինչը թույլ կտա վերականգնել երկխոսության և բանակցությունների մթնոլորտը։
Սա հակամարտության խաղաղ կարգավորման համար անփոխարինելի պայման է հանդիսանում` միջազգային իրավունքի, ՄԱԿ-ի Անվտանգության խորհրդի բանաձևերի և Մինսկի խմբի կողմից խրախուսվող նախաձեռնությունների շրջանակներում», – հայտարարում է երկրի արտաքին քաղաքական գերատեսչությունը: