Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Կառավարությունը ներդնում է նոր բուժօգնության փաթեթ

Կառավարությունը ներդնում է նոր բուժօգնության փաթեթ
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Կառավարությունը ներդնում է նոր բուժօգնության փաթեթ

Կառավարությունը ներդնում է նոր բուժօգնության փաթեթ: Առողջապահության նախարար Արսեն Թորոսյանը նշեց, որ այն տարածվելու է հետևյալ կատեգորիայի անձանց վրա. ընտանեկան նպաստի համակարգում ընդգրկված 30 և ավելի բարձր բալ ունեցող, Հայրենական մեծ պատերազմի մասնակիցները և նրանց հավասարեցված անձինք, ծերանոցներում ու անօթևանների ժամանակավոր կացարաններում խնամվող անձինք, բռնադատվածներ, Չեռնոբիլի ատոմակայանի վթարի վերացման աշխատանքների մասնակիցները, մարդկանց թրաֆիքինգի ենթարկված անձինք, ձերբակալված եւ կալանավորված անձինք:
«Նրանց համար գործելու է նույն փաթեթը, ինչը գործել է նախկինում զինծառայողների և սոցփաթեթի շահառուների համար՝ հավելյալ 18 թանկարժեք բժշկական միջամտություններով: Դրանց մեջ են սրտի վիրահատությունները, գլխուղեղի վիրահատությունները, աչքի վիրահատությունները, լիպոտրիպսիան և այլն: Դրա համար մենք պետական բյուջեից հատկացրել ենք 1,4 մլրդ դրամ, և ողջ փաթեթը կազմելու է մոտ 3 մլրդ դրամ: Նվազեցվել է նաև կոռուպցիայի ռիսկը և այս քաղաքացիները որևէ այլ վճար չպետք է կատարեն»,- «Արմենպրես»-ի փոխանցմամբ, ասաց նախարարը:
Նրա խոսքով՝ երկրորդ փոփոխությունը վերաբերում է ստոմատոլոգիական բուժօգնությանը. «Սահմանվել է, որ ընտանեկան նպաստի համակարգում ընդգրկված 30 ու ավելի բալու նեցող անձինք, առաջին կարգի հաշմանդամները, մինչև 7 տարեկան երեխաները, 7-12 տարեկան սոցիալապես անապահովների ցանկում ընդգրկված երեխաները, զորակոչային ու նախազորակոչային տարիքի անձինք ստոմատոլոգիական ծառայություններ ստանում են առանց համավճարի կիրառման: Հիմա ամբողջությամբ պետությունը կվճարի: Այս ծրագրի համար նախատեսված է 500 մլն դրամ»,- ասաց նա:
Արսեն Թորոսյանը տեղեկացրեց, որ առաջին փոփոխությունը տարածվելու է շուրջ 230 հազար մարդու վրա, որի արդյունքում կանխատեսված դեպքերի քանակը մոտ 16 հազար կլինի, 12 հազարի փոխարեն, այսինքն՝ մոտ 4 հազարով կավելանա դիմելիությունը:

 

Բեռնեք Հայկական Լրատվական Ռադիոյի հավելվածները այստեղ՝




website by Sargssyan