Chat with us, powered by LiveChat
Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Պետք է մինչև վերջ գնանք ճշմարտության հետևից և լինենք ազնիվ. վարչապետը` Ամուլսարի հարցի մասին

Պետք է մինչև վերջ գնանք ճշմարտության հետևից և լինենք ազնիվ. վարչապետը` Ամուլսարի հարցի մասին
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Պետք է մինչև վերջ գնանք ճշմարտության հետևից և լինենք ազնիվ. վարչապետը` Ամուլսարի հարցի մասին

ՀՀ վարչապետ Նիկոլ Փաշինյանը Ամուլսարի հարցով որոշում կայացնելու համար ահրաժեշտ է համարում դե յուրե և դե ֆակտո ստանալ մեկ հարցի պատասխան. շահագործումն էկոլոգիական աղե՞տ է, թե ոչ: Նա կարևորում է այս հարցում մինչև վերջ ճշմարտության հետևից գնալը։ «Արմենպրես»-ի հաղորդմամբ` վարչապետն այս մասին խոսեց Լոս Անջելեսում լրագրողների հետ հանդիպման ժամանակ:

Լրագրողը հետաքրքրվեց, թե արդյոք Ամուլսարի հարցով կա վերջնական որոշում և որն է դա:
«Այս հարցում իմ ամենամեծ դժբախտությունն այն է, որ բոլորն արդեն ունեն իրենց տեսակետը` անկախ ամեն ինչից: Մի մասն ասում է, որ Ամուլսարը սար է` ինչ ուզում է լինի, աշխարհն էլ քանդվի, Ամուլսարը պետք է մնա սար, մյուս մասն ասում է` աշխարհը քանդվի` Ամուլսարը պետք է շահագործվի: Ես ուրիշ բան եմ ասում, ասում եմ, որ այս հարցում հայ հանրության ու միջազգային հանրության հետ պետք է լինենք ազնիվ, և պետք է մինչև վերջ գնանք ճշմարտության հետևից: Հիմա դա էկոլոգիական աղե՞տ է, թե աղետ չէ. այս հարցի պատասխանը պետք է ես դե յուրե և դե ֆակտո ստանամ»,-ասաց Փաշինյանը:
Վարչապետը նկատեց` մարդիկ են լինելու, ովքեր արձագանքելու են, թե արդյոք պարզ չէ դա: Փաշինյանի կարծիքով` ոչ, պարզ չէ: 

«Այո, հասկանում ենք, որ խնդիրներ կան: Ես մեկ բան եմ ասում՝ պետք է ազնիվ լինենք: Սա շատ կարևոր հարց է` և տնտեսական, և էկոլոգիական, բոլոր առումներով: Ես երբեք չեմ դրել հանքը բացելու կամ չբացելու խնդիր: Ես ասել եմ, որ մինչև վերջ պետք է գնալ ճշմարտության հետևից: «Լիդիան Արմենիա»-ի ներկայացուցիչներին էլ եմ ասել, որ եթե պարզվի, որ իսկապես այն ստանդարտներով, որ նրանք ասում են, հնարավոր է այդ շանքը շահագործել, ես նրանց կաջակցեմ, իսկ եթե հնարավոր չէ, բացառված է, որ ես աջակցեմ»,-ասաց նա:
Վարչապետը նշեց, որ իրեն ընդհանրապես այս հարցում անհանգստացնում է այն, որ մի մասն ասում է` այսպես է ու վերջ` պետք է բացվի, մյուս մասը` չպետք է բացվի: Փաշինյանը ոչ մի տեսակետն է կիսում, ոչ մյուսը: «Տեղեկացված որոշում է պետք կայացնել: Ես համաձայն չեմ, թե ում ճնշումն ուժեղ եղավ, կառավարությունը պետք է դրա տակ որոշում կայացնի: Ես երբեք ճնշման տակ չեմ գործել և չեմ գործի` անկախ ամեն ինչից: Իմ խնդիրը, դիրքորոշումը պարզ է` և հայ, և միջազգային հանրության հետ այս հարցում պետք է լինենք ազնիվ: Իսկ ազնիվ լինելու համար պետք է մինչև վերջ գնանք ճշմարտության հետևից»,-նշեց Փաշինյանը:
Նա նշեց` վերջնական որոշում դեռ չկա: Այս պահին Ամուլսարի հանքի շահագործումն արգելելու դե յուրե որևէ հիմք չունեն: «Կարող է կես ժամից պարզվի, որ այդ հիմքն ի հայտ է եկել, եթե պարզվի, ոչ մի շահագրգռություն չունենք, կփակենք: Բայց, եթե չկա, միայն այն պատճառով, որ կառավարության վրա ճնշում են գործադրում, չենք փակելու: Շատերն ասում են, թե կառավարությունը թույլ է տալիս հանքի շահագործումը: Հանքի շահագործումը վաղուց են թույլ տվել, եթե ունենք արգելելու հիմք և պատճառ, պետք է արգելենք, եթե չունենք, ինչի հիման վրա ենք արգելում, որոշումը պետք է լինի իրավական»,-եզրափակեց վարչապետը:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan