Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Սանկտ Պետերբուրգի Պետական Էրմիտաժի գլխավոր տնօրեն, Երևանի պատվավոր քաղաքացի Միխայիլ Պիոտրովսկին Երևանի քաղաքապետ Հայկ Մարությանի ուղեկցությամբ այցելել է Կարմիր բլուր հնավայր:

«Էրեբունի» պատմահնագիտական արգելոց-թանգարանի տնօրեն Միքայել Բադալյանը տեղում ներկայացրել է տարածքում վերջին շրջանում իրականացված աշխատանքներն ու հնավայրի հետագա զարգացման ծրագրերը: Հայաստանի ու տարածաշրջանի կարևորագույն հնավայրերից մեկի զգալի մասը տասնամյակներ շարունակ թաղված էր շինաղբի տակ և առաջին քայլը, որ արվել է, Կարմիր բլուրը շինարարական աղբից մաքրելն էր: Նշվել է, որ ընդհանուր առմամբ հուշարձանի տարածքից տեղափոխվել է շուրջ 500 մեքենա շինարարական աղբ, մաքրվել է 1.7 հա տարածք: Քաղաքապետարանն այսօր քայլեր է ձեռնարկում հնավայրի հանրահռչակման և Կարմիր բլուրը հետաքրքիր մշակութային, զբոսաշրջային վայր դարձնելու ուղղությամբ:

Այցի ընթացքում տարածքում պեղումներ էր իրականացնում հայ-ավստրիական համատեղ հնագիտական արշավախումբը: Կարմիր բլուրի հնարավոր չպեղված հատվածների զգալի մասը սկանավորվել է հատուկ գեոլոկացիոն համակարգերով, ինչը ևս մեծ հեռանկար կբացի հուշարձանի հետագա ուսումնասիրման համար:
Ի դեպ, Միխայիլ Պիոտրովսկու հայրը՝ Բորիս Պիոտրովսկին, 1930–ից իր արշավախմբով պեղումներ է կատարել և արժեքավոր հայտնագործություններ արել Ուրարտական թագավորության փոխարքայի նստավայր Կարմիր բլուրում:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan