Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

ՓՄՁ-ն պետության աջակցությամբ վարկ ստանալու դիմումը պետք է ներկայացնի բացառապես առցանց տարբերակով

ՓՄՁ-ն պետության աջակցությամբ վարկ ստանալու դիմումը պետք է ներկայացնի բացառապես առցանց տարբերակով
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
ՓՄՁ-ն պետության աջակցությամբ վարկ ստանալու դիմումը պետք է ներկայացնի բացառապես առցանց տարբերակով

Փոքր ու միջին ձեռնարկությունները կառավարության կողմից առաջարկված աջակցության գործիքից՝ արտոնալ վարկից օգտվելու համար հայտադիմումը պետք է լրացնեն բացառապես առցանց տարբերակով. առցանց դիմումը պետք է լրացնել Ներդրումների աջակցման կենտրոնի վեբ կայքում:

«Արմենպրես»-ի հաղորդմամբ՝ այս մասին ասուլիսում հայտնեց ՀՀ էկոնոմիկայի փոխնախարար Նաիրա Մարգարյանը:

 Մարգարյանը նախ հիշեցրեց, որ 2020 թվականի մարտի 26-ի որոշմամբ ընդունվել է կորոնավիրուսի տնտեսական հետևանքների չեզոքացման երրորդ միջոցառումը:

Միջոցառումը միտված է փոքր ու միջին ձեռնարկությունների աջակցմանը: Կարող են օգտվել այն ՓՄՁ-ները, որոնք գործում են զբոսաշրջության, առողջապահության, կացության, հանրային սննդի, մշակող արդյունաբերության ոլորտներում, որոնց 2019-ի շրջանառությունը եղել է 24-500 մլն դրամի շրջանակում, և 2019-ի մեկ եռամսյակի շրջանառությունը ամբողջ տարվա շրջանառության 10 տոկոսից ավելի է: ՓՄՁ-ները պետք է անպայման ունենան բարվոք վարկային ու հարկային պատմություն: Այս պայմաններին բավարարող տնտեսավարողները կարող են դիմել ստանալու արտոնյալ վարկեր՝ 36 ամսով տրամադրվող: 24 ամիսների համար վարկը գործում է անտոկոս պայմանով, վերջին երրորդ տարվա համար վարկը գործում է 12 տոկոսով: Վարկը տրամադրվում է միայն անկանխիկ եղանակով, և կարող է ծախսվել աշխատավարձի, հարկերի, վարձակալության, հումքի, կոմունալ վճարների ուղղությամբ: Առաջին 6 ամսվա համար շահառուն որևէ մարում չի անում: Դրանից հետո 7-րդ ամսից սկսած նախատեսված են հավասարաչափ մարումներ:

Զբոսաշրջային ծառայությունների և կացության ոլորտների համար կա լրացուցիչ պայման: Եթե շահառուն այդ երկու ոլորտից է և իր վերցրած վարկը չի գերազանցում 10 միլիոնը, ապա 7-12-րդ ամիսներին մարման գրաֆիկը սահմանվում է հավասարաչափ, բայց ոչ ավելի, քան ամսական 70 հազար դրամը, որից հետո 13-րդ ամսից մինչև պայմանագրի ավարտը կրկին հավասարաչափ մարումներ են լինում: Վաղաժամ մարումներ հնարավոր են:

 Ներդրումների աջակցման կենտրոնի վեբ կայքում՝ isc.am-ում «Դիմում» կոճակը սեղմելով պետք է լրացնել առցանց դիմումը: Բոլոր դիմումներն ընդունվում են միայն առցանց: «Հիմնականում պահանջվող փաստաթղթերը բավականին պարզ են: Վարկային պատմությունը ճշտելու համար կամ պետությունը, կամ շահառուն պետք է դիմեն AKRA համակարգին: Որպեսզի ավելի արագ կարողանանք հայտադիմումը մշակել, մենք առաջարկում ենք Ներդրումների աջակցման կենտրոնին տրամադրել լիազորագիր, որով կենտրոնն ինքը կդիմի AKRA-ին և կստանա այդ տվյալը: Լիազորագիրը կցված է հայտադիմումին: Սակայն լիազորագիրը պետք է ստորագրված լինի էլեկտրոնային ստորագրությամբ: Շահառուները պետք է ներբեռնեն նաև իրենց հարկային հաշվետվությունները: Դիմումը լրացնելուց հետո երկու օրվա ընթացքում Ներդրումների աջակցման կենտրոնից կստացվի նամակ, որը կամ կհաստատի դիմումը, կամ կթվարկի պակասող փաստաթղթերը, կամ կմերժի»,-ասաց Մարգարյանը:

Եթե շահառուն անհատ ձեռներեց չէ, ապա պետք է ներկայացվի նաև մեկ անհատական երաշխավորություն՝ սեփականատիրոջ կամ կառավարմանը մասնակցող որևէ անձի կողմից: Այդ դեպքում ևս այդ անձի AKRA հաշվետվությունն անհրաժեշտ է:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan