Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Կամ մենք գնում ենք համատարած արգելափակումների, կամ համագործակցում ենք իրար հետ. Փաշինյան

Կամ մենք գնում ենք համատարած արգելափակումների, կամ համագործակցում ենք իրար հետ. Փաշինյան
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Կամ մենք գնում ենք համատարած արգելափակումների, կամ համագործակցում ենք իրար հետ. Փաշինյան

«Կորոնավիրուսի համաճարակի հետ կապված իրավիճակը մեր երկրում շարունակում է ահագնանալ, ցավոք սրտի»,- հայտարարեց ՀՀ վարչապետ Նիկոլ Փաշինյանը՝ պարետատան ճեպազրույցի ժամանակ:

Նա հիշեցրել է, որ երեկ արձանագրվել է կորոնավիրուսով վարակվածության 517 նոր դեպք:

«Հիմնական հարցը, որ ծագում է, հետևյալն է՝ ինչո՞ւ է այս ամենը մեզ հետ տեղի ունենում,- ասաց վարչապետը՝ հավելելով,- ես ուզում եմ ևս մեկ անգամ արձանագրել, որ մեր հիմնական պրոբլեմը հակահամաճարակային կանոնների պահպանումն է, կանոնների պահպանման որակը: Մենք համոզված ենք, որ այդ կանոնների պահպանումը կբերի կորոնավիրուսի դեպքերի թվի անկման, նվազման, ընդհուպ՝ զրոյացման: Այդ կանոնները պարզ են, շարադրված են պարետատան որոշումների մեջ:

Բայց ես ուզում եմ այդ իրավիճակի ընդհանուր քաղաքական կոնտեքստի մասին խոսել, որովհետև մեր իշխանության ծագումնաբանությունն այս իրավիճակում աշխատում է մեր դեմ: ՀՀ-ում 2018 թ. իրադարձություններից հետո վախի մթնոլորտն ըստ էության չեզոքացել է, զրոյացել, բայց դրա փոխարեն, ցավոք սրտի, օրինապահության մթնոլորտը դեռ պատշաճ աստիճանի և մակարդակի չի հասել: Եվ, ըստ էության, մենք կանոնների խախտումների արձանագրման որակի և կոշտության հետ էլ խնդիր ունենք»:

Փաշինյանն օրինակ բերեց՝ առևտրի վայրերում, երբ կանոնների խախտում է արձանագրվում ու որոշվում է փակել այն, փաստարկ են բերում, թե այդ դեպքում կփչանա առևտուր անողների մթերքը, ու տնտեսական վնասներ կկրեն: Ըստ նրա՝ այդ առումով փաստարկները սկսում են աշխատել: Վարչապետը տեղեկացրեց, որ պարետատան նիստի ընթացքում հանձնարարել է առավել խստորեն հետևել հակահամաճարակային կանոնների պահպանմանը:

«Այսուհետ հակահամաճարակային կանոնների պահպանմանը հետևելու ենք շատ կոշտ՝ հաշվի չառնելով որևէ փաստարկ: Եթե որևէ մեկը սննդամթերք է վաճառում, ապա նախապես պետք է մտածի, որ վաճառքը պետք է կազմակերպի պարետատան սահմանած կանոններով, որպեսզի խուսափի արգելիքից ու տնտեսական վնասներից»,- վստահեցրեց նա:

Վարչապետը նշեց, որ ստեղծված իրավիճակում հետևյալ ելքերն է տեսնում. «Մենք այսօր կանգնած ենք հետևյալ հանգրվանի առաջ՝ կամ այն փաստի բերումով, որ կանոնները չեն պահպանվում, մենք գնում ենք նորից համատարած արգելափակումների՝ զուգորդելով դրանք պարետային ժամով, երկիրը ենթարկելով նոր տնտեսական և սոցիալական ցնցումների, կամ մենք միասին, իրար հետ համագործակցված հսկողության տակ ենք առնում այս իրավիճակը և շատ արագ արդյունքներ արձանագրում»,- ասաց վարչապետը:

Փաշինյանը հայտնեց, որ յուրաքանչյուրը պետք է դիրքորոշում հայտնի հետագա անելիքների վերաբերյալ:

«Իմ դիրքորոշումը հետևյալն է, որ անկախ այս սցենարներից, հակահամաճարակային կանոնների նկատմամբ հսկողությունը պետք է կատարվի ամենախիստ, ամենակոշտ ձևով, հաշվի չառնելով ոչ մի փաստարկ, հաշվի չառնելով ոչ մի զգացմունքային պահ: Սա է իմ հրահանգը՝ իրավապահ մարմիններին և ես խստորեն հետևելու եմ այդ հրահանգների իրականացմանը: Այդ հրահանգները չիրականացնելը կամ անօրակ իրականացնելը բերելու է կոնկրետ հետևանքների: Ընդամենը 2-3 օր ունենք, որ այս առումով երկրում որակական իրավիճակ փոխենք»,- շեշտեց վարչապետ Փաշինյանը:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan