Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Սպասվող լրահոս 20.10.2017

ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Հետևե՛ք մեզ YouTube-ում

Սպասվող լրահոս. իրադարձություններ, որ դեռ տեղի չեն ունեցել: Արմենպրեսի խմբագրությունից ներկայացնում է գործակալության թղթակից Աննա Գզիրյանը:

Բարև ձեզ, «Արմենպրես» պետական լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:

Այսօր` հոկտեմբերի 20-ին, Հայաստան կայցելի Լեհաստանի ԱԳ նախարար Վիտոլդ Վաշչիկովսկին։ Լեհաստանի արտգործնախարարին կընդունի Հայաստանի Հանրապետության Նախագահ Սերժ Սարգսյանը։ Նախատեսված են ՀՀ ԱԳ նախարար Էդվարդ Նալբանդյանի և Վիտոլդ Վաշչիկովսկիի բանակցությունները, որոնց արդյունքներով նախարարները հանդես կգան մամուլի համար հայտարարություններով։

Հայաստանում ԵՄ պատվիրակությունը և Իմփաքթ Հաբ Երևանը հրավիրում են «(Հակա)Կոռուպցիայի արվեստը» պոստերային արվեստի ցուցահանդեսի բացմանը: «(Հակա)Կոռուպցիայի արվեստը» մեկ տարի տևողությամբ ծրագիր է, որը իրականացվում է Իմփաքթ Հաբ Երևանի կողմից՝ Հայաստանում Եվրոպական միության ֆինանսավորմամբ։ Պոստերային արվեստի մրցույթին  մասնակցել են Հայաստանից եւ աշխարհից 75 արվեստագետներ, որոնցից 35-ն ընտրվել են մասնակցելու ցուցահանդեսին: Առաջին 3 հաղթող պոստերները կհայտարարվեն բացման օրը: 

Թուրքիայում ձերբակալվել է «Անադոլու կուլտուր» ՀԿ-ի նախագահ, գործարար, հասարակական գործիչ Օսման Կավալան: Այդ կապակցությամբ «Վերադարձ հիմնադրամ»-ի նախագահ Արագած Ախոյանը, Թուրքիայից հասարական, քաղաքական գործիչ, լրագրող Րաֆֆի Հերման Արաքսը հանդես կգան հայտարարությամբ:

Հայաստանում Միավորված ազգերի կազմակերպությունը նշում է 25-ամյակը: Լրագրողների հետ հանդիպմանը Հայաստանում ՄԱԿ-ի Զարգացման ծրագրի մշտական ներկայացուցչի տեղակալ Դմիտրի Մարյասին կներկայացնի ծրագրի նվաճումները և ՄԱԿ-ի Զարգացման ծրագրի կողմից Հայաստանում նախատեսված աշխատանքները:

Վերջին շրջանում սպառողական շուկայում գրանցված թանկացումների հարցը շարունակում են քննարկել ոլորտի մասնագետները: «Սպառողների խորհրդատվության կենտրոն» ՀԿ նախագահ Կարեն Չիլինգարյանը հրավիրված մամուլի ասուլիսում կանդրադռանա  սպառողական շուկայի միտումներին: Նա ամփոփ դիտարկումներ կանի վերջին թանկացումների հնարավոր պատճառների վերաբերյալ:

ՀՀ վարչապետ Կարեն Կարապետյանը հանձնարարեց քայլեր ձեռնարկել նվազեցնելու Երևանում աշխատանքային օրերին առաջացող խցանումների դեպքերը: Փոխադրողների միության նախագահ Հրանտ Եղիազարյանը լրագրողների հետ հանդիպմանը կանդրադառնա վարչապետի հանձնարարականին, տրանսպորտային գերծանրաբեռնվածությանը:

Ֆլորենցիայի ժամանակակից արվեստի միջազգային բիենալեում դիզայներ, քանդակագործ, նկարիչ Արման Նուռը ստացել է Մեդիչիի «Lorenzo IL Magnifico» ոսկե մեդալը։ Հոկտեմբերի 6-15-ը կայացած բիենալեի «Ոսկերչության արվեստ» անվանակարգում Նուռը դարձել է գլխավոր մրցանակակիր: Այսօր հրավիրված ասուլիսում Նուռը կներկայացնի մանրամասներ բիենելի մանրամասները:

Այս և այլ թեմաների մասին կարող եք մանրամասն ընթերցել armenpress.am կայք էջում և լսել Լրատվական ռադիոյի եթերում: Հետևեք մեզ թվիթերում և ֆեյսբուքում:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan